Владата на Романија ќе одржи седница на која би требало да ја повлече спорната уредба со која се ублажуваат антикорупциските мерки, јавува „Би-би-си“.
Одлуката на официјален Букурешт предизвика повеќедневни протести во земјата, кои се сметаат за најмасовни по 1989 година.
Романскиот премиер Сорин Гриндеану рече дека владата ќе ја повлече уредбата затоа што не сака „да ја подели Романија“.
Повеќе десетици илјади демонстранти ја прославија својата победа, но порачаа дека ќе продолжат да протестираат сè додека уредбата која беше усвоена во вторникот и официјално не биде повлечена.
