Романот „Алма Малер“ на охридскиот писател и драматург Сашо Димоски ќе биде издаден на американскиот пазар.

Ова ќе биде почеток на соработката на Димоски со престижниот издавач Џон О’Брајан, основач на великанот „Далки Аркајв прес“ – една од најреномираните издавачки куќи во Северна Америка.

„Далки Аркајв Прес“ ќе ја издаде и „Антологија на македонскиот современ расказ“.

О’Брајан, еден од основачите на реномираната издавачка куќа во САД „Далки Аркајв прес“, деновиве беше почесен гостин на четвртото издание на интернационалниот литературен фестивал „Про-за Балкан“ во Скопје.

Тој вели дека има голем интерес за македонската литература да се преведе и да се најде на американскиот пазар.