Членови на семејствата на загинатите со часови бараат да стапат во контакт со сопствениот на компанијата Беса транс за да добијат информации за трагедијата во Бугарија во која загинаа 45 лица од Македонија.
„Мојот братучед беше во Турција. Вртевме по телефони во Беса Транс, цело време се јавуваме … веќе, 3-4 часа, колку што поминаа, немаме никаква информација, дури и не се јавуваат. Ова мислам дека не е во ред“, изјави Џелал Бакију.
Утрово локацијата пред канцеларијата на компанијата Беса транс во Скопје ја обезбедува полицијата. Канцеларијата на компанијата е затворена, а на телефонските броеви на компанијата никој не се јавува.
Во автобусот на Беса транс патувале 52 лица. Меѓу загинатите имало 12 малолетници, меѓу кои и двајца близнаци. Несреќата во која загинал и возачот, ја преживеале 7 лица од кои 2 се жени и 5 мажи. Тие се во стабилна состојба и се згрижени во болницата „Пирогов“ во Софија.