Родителите на малата Тамара Димовска од Велес, која почина на почетокот на минатиот месец, веќе неколку месеци се без работа.
Мајката на Тамара, Жаклина, без работа останала уште во октомври, кога поради обврски околу хуманитарниот концерт за нејзината ќерка, морала да ја напушти работата иако не била формално вработена.
Нејзиниот сопруг, кој бил вработен во истата фирма, останал без работа во декември, кога поради обврски во Италија, во врска со можна операција на Тамара, морал да замине на една недела.
Како што велат нашите извори, тој добил дозвола од сопственикот на фирмата во која работел, но по неколку дена, додека сè уште не бил вратен од пат, добил отказно решение.