Во 2014 година, на „Гугл“ најпребaрувани поими се поврзани со најважните и најинтересните настани што ја одбележаа изминатата година. Прва најпребарувана тема е самоубиството на актерот Робин Вилијамс. Втор најпребаруван поим е Светското првенство во фудбал, а трет најактуелен е за ебола, смртоносниот вирус што ја зафати Африка. На четврто место е исчезнувањето на авионот на „Малезија еирлајнс“, на петто играта „Флапи брд“, а на шесто „Ајс бакет челинџ“. Потоа следуваат поимот ИСИС, убиството на невооружаниот Афроамериканец во Фергусон, филмот на Дизни „Леденото кралство“ и случувањата во Украина.
