fbpx

РКЕВУ: Новата цена на лесното масло за греење 51,5 денари за литар, речиси исто колку дизелот

-

Регулаторната комисија за енергетика и водни услуги на Република Северна Македонија (РКЕВУ), одреди нова цена на лесното масло за затоплување, познато како „црвена нафта“ – 51,5 денари за литар – откако беше покачена акцизата на ова гориво.

Владата завчера ја измени и дополни Уредбата со законска сила за примена на Законот за акцизите за време на вонредна состојба, со кои се изедначи акцизата на маслото за греење со акцизата на дизелот.

Со зголемувањето на акцизата, цената на „црвената нафта“, која честопати илегално се користи како замена на дизел горивото, но многу повеќе загадува од него, сега е речиси изедначена со цената на дизелот. ЕУРОДИЗЕЛ (Д-Е V) чини 52 денари, а екстра лесното масло само половина денар помалку, а во однос на последното зголемување на цените на горивата, кое стапи на сила вчера по полноќ, екстра лесното масло поскапе за над 10 денари за литар.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...