fbpx

РКЕ бара од компаниите да ги прекинат исклучувањата на вода, струја и парно поради неплатени сметки

-

Регулаторна комисија за енергетика и водни услуги, РКЕ, им препорача на компаниите, вршители на енергетски дејности, како и на јавните претпријатија што се даватели на водни услуги кон граѓаните, во следните две недели да се воздржат од исклучување на граѓаните од системите со струја, топлинска енергија и вода, поради неплатени сметки.

„Имајќи ја предвид одлуката на Владата за превенција од ширење на корона вирусот и пандемијата прогласена од Светската здравствена организација, Регулаторната комисија за енергетика и водни услуги на РСМ со оваа препорака има за цел да им укаже на компаниите и на јавните претпријатија, чие работење е под надлежност на РКЕ, да покажат хуманост и да се воздржат од активности што би влијаеле врз здравјето на човекот“, стои во соопштението на РКЕ.

„Во вонредната состојба со Ковид-19, на прогласена пандемија од СЗО и одлука на Владата за превенција од ширење на корона вирусот, РКЕ чувствува пред се одговорност, но и обврска за заштита на потрошувачите и затоа препорачува во следните две недели компаниите вршители на енергетски дејности, како и јавните претпријатија што се даватели на водни услуги, да се воздржат од исклучување поради неплатени сметки “ изјави Марко Бислимоски, претседател на Регулаторна комисија за енергетика и водни услуги на Република Македонија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...