Косовската министерка за економија Артане Ризваноли, на својата ФБ страна објави дека е обезбедено непречено снабдување со струја на Косово, вклучувајќи и греење за главниот град Приштина. Како што додаде таа, снабдувањето на вода во Приштина ќе биде компензирано, додека на северот на Косово вода ќе се носи со цистерни.
„Драги граѓани, по исклучителната посветеност на нашите институции, обезбедено е непречено снабдување со струја за целата земја и греење за граѓаните на Приштина“, напиша Ризваноли. Таа додаде оти се инсталирани шест привремени цевки на каналот Ибар-Лепенец со доволен капацитет да обезбедат вода за ладење на термоцентралата „Косово Б“.
„Притоа, очекуваме снабдувањето со електрична енергија да продолжи непроменето. Истовремено, се координиравме со Албанската енергетска корпорација да обезбедување дополнителна енергија за да се избегнат евентуални недостатоци“, пишува таа на ФБ.
Додава оти снабдувањето на Приштина ќе биде компензирано преку Батовци и Батлава, додека за регионите на Северно Косово, Дренас и Митровица вода ќе биде обезбедена преку цистерни почнувајќи од утрово.
Бурна ноќ на Косово: Експлозија на каналот Ибар-Лепенец кој е клучен за снабдување со вода и струја
