Риасетот на Исламската верска заедница (ИВЗ) на денешната вонредна седница едногласно донесе одлука за разрешување на Сулејман Ефенди Реџепи од позицијата Реис Ул Улема, претседател на Исламска верска заедница, информираше гостиварскиот муфтија Шаќир Ефенди Фетаху.

Фетаху е поставен како вршител на должноста претседател на ИВЗ, до подготвување на новите избори за избор на претседател.

Реџепи предизвика остри реакции во јавноста кога во неделата на Рамазан Бајрам, по молитивата во Мустафа паша џамијата, изјави дека корона вирусот е „умрен“. На ова, реагираше министерот Венко Филипче изјавувајќи дека, корона вирусот ниту е мртов ниту е заминат од кај нас.