fbpx

Реорганизација во МВР: „Алфите“ се припојуваат на Единицата за јавен ред и мир

-

Министерот за внатрешни работи Оливер Спасовски на денешната прес – конференција ги потврди информациите дека полициската Единица за прв одговор и интервенција „Алфа“ ќе престане да постои. Во моментов се врши реорганизација на МВР, со која „Алфите“ ќе се спојат со Единицата за јавен ред и мир и тие заедно ќе функционираат како посебна интервентна единица.

– Крајна цел е да имаме поголема видливост на терен, а направена е реорганизација по примерот на европските земји – изјави министерот Спасовски.

Спојувањето на „Алфите“ со Единицата за јавен ред и мир ќе овозможи формирање на интервентна полиција која што ќе работи на заштита на безбедноста во Скопје. До петок треба да се знае кој ќе биде раководител на новата интервентна единица.

Единицата „Алфа“ беше формирана во 2005 година, работејќи под надлежност на Министерството за внатрешни работи. Од 2014 година, „Алфите“ добија нов статус, беа вклучена во рамките на Секторот за внатрешни работи Скопје и работеа само во главниот град.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...