Министерството за здравство информираше дека согласно податоците од Инситутот за јавно здравје, во последните 24 часа се направени 3.338 тестови, при што се регистрирани 920 нови случаи на Ковид-19.
Најголем дел од новозаразените се од Скопје – 502, Битола – 54, Куманово – 48, Велес – 40, Тетово – 35, Прилеп – 31, Кавадарци – 27, Штип – 24, Кичево – 20, Струмица и Гостивар – по 18, Охрид – 16, Неготино – 14, Гевгелија – 12, Кочани – 11, Свети Николе и Крива Паланка – по 8, Струга – 7, Ресен – 5, Демир Капија, Виница и Дебар – по 4, Богданци и Кратово – по 3, Делчево – 2, Пробиштип и Радовиш – по 1.
Од вкупниот број на позитивни, регистрирани се 119 реинфекции.
Во последното деноноќие починале 11 лица – 6 од Скопје, 2 лица од Битола, по едно од Охрид, Струмица и Тетово. Сите пријавени лица се починати во болнички услови.
Како што соопшти Министерството за здравство, во последните 24 часа се регистрирани 1.190 оздравени пациенти.
Во моментов најмногу активни случаи има во Скопје – 6.314.
