Вкупно 48 пациенти се излекувани од ковид-19, информира Министерството за здравство. Од нив шестмина пациенти биле на болничко лекување и 42 се лекувале во домашни услови.
„Во ГОБ „8 Сетпември“ почина пациент од Скопје на 51 годишна возраст, примен во болницата на 9 април во тешка состојба и веднаш поставен на респираторна машина. Во изминатите 24 часа потврдени се 28 нови случаи на ковид-19. Во изминатото деноноќие направени се 660 теста. Досега во земјата се направени вкупно 13.000 тестирања на ковид -19“, информираат во министерството.
На Клиниката за инфективни болести и фебрилни состојби се примени седум, а хоспитализирани се вкупно 63 пациенти. Од нив 21 на кислородна поддршка и четворица се на механичка вентилација.
Во „8 Септември“ примени се седуммина нови, а вкупно хоспитализирани се 43 пациенти. Со потешка клиничка слика се осум, а на респираторна машина се четворица пациенти.
Во болницата во Битола се лекуваат 10 пациенти, а на домашно лекување се следат 14. Во моментов во Штип се хоспитализирани двајца пациенти, а на домашно лекување се следат уште 19.
