fbpx

Речиси половина милион патници патувале од двата аеродрома, што е за седум отсто пораст од лани

-

Вкупно 480.845 патници патувале преку двата аеродрома – Меѓународен Аеродром Скопје и аеродромот Св. Апостол Павле Охрид, што е пораст за седум проценти во првите три месеци од годината, споредено со истиот период лани.

Меѓународниот Аеродром Скопје опслужи 454.448 патници во првиот квартал од 2019 година, со 5,6 проценти пораст на годишно ниво, додека на аеродромот Св. Апостол Павле Охрид биле опслужени 26.397 патници, што е 63,9 проценти годишен пораст.

-Скопскиот аеродром ја забележа очекуваната стапка на пораст од 5,6 проценти, што ќе биде и повисока во вториот и третиот квартал од годината, поради отворањето на четирите нови дестинации, Баден-Баден и Бремен отворени во март оваа година, како и Ларнака и Турку, кои што ќе бидат отворени во јули 2019 година. На охридскиот аеродром забележавме неверојатен пораст во бројот на патници од 64 проценти, како резултат на трите нови авиолинии отворени во последните шест месеци – Виена во ноември 2018 година, Малме и Милано – во март 2019 година“, изјави генералниот директор на ТАВ Македонија, Алпер Ерсој.

Тој очекува дека со дополнителните четири нови дестинации што ќе се отворат ова лето – Меминген, Дортмунд, Штутгарт и Дизелдорф, очекуваат да ја одржат високата стапка на пораст на бројот на патници на аеродромот во Охрид.

Најфрекфентни дестинации за прите три месеци од Меѓународниот Аеродром Скопје се Истанбул, Цирих, Базел, Малме, Виена, Меминген. Во однос на уделот на авиокомпаниите во патничкиот сообраќај, „Визе ер“ има превезено најголем број од патниците со 67,4 отсто пазарен удел.

Меѓународниот Аеродром Скопје ги поврзува патниците со вкупно 42 редовни дестинации, до кои сообраќаат 13 авиокомпании. На Aеродромот Св. Апостол Павле Охрид во моментов 11 авиокомпании опслужуваат пет редовни и осум сезонски дестинации.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Посебен сообраќаен режим в недела заради атлетска трка на Средно Водно

Во недела, со почеток во 9 часот, поради атлетска трка на 10 километри, со траса на движење од долниот паркинг на Средно Водно по регионалниот пат (Р2138) до паркингот...