Претседателот на Реал Мадрид, Флорентино Перес, демантира дека клубот би можел да го продаде Гарет Бејл.
Англиските медиуми последните недели шпекулираа дека Манчестер јунајтед е подготвен да плати дури 150 милиони евра за Бејл, но Перес истакна дека нема да го продаде ниту за 300 милиони.
– Гарет Бејл не оди никаде, дури и нашиот проект Реал Мадрид ќе биде граден околу него. Можеме единствено да дискутираме за неговата позиција во тимот и за неговиот придонес, затоа што сè уште се прилагодува на средината и на јазикот – вели Перес.
Бејл сезонава одигра 22 натпревари за Реал и постигна 11 голови со пет асистенции.