fbpx

Реакции по заканата од амбасадорот на Русија за приближувањето на БиХ кон НАТО

-

По изјавата на рускиот амбасадор во БиХ, Игор Калабухов, дека Русија ќе реагира во случај на прием на БиХ во НАТО, спомнувајќи ја во контекстот и Украина, уследија остри реакции од САД и од Велика Британија

„Последните закани на рускиот амбасадор кон Босна и Херцеговина се опасни, неодговорни и неприфатливи. Ниту една трета страна нема право на одлука во безбедносните договори меѓу НАТО и суверените земји. Ние и понатаму ќе стоиме цврсто крај Босна и Херцеговина додека таа ги презема неопходните чекори за да го обезбеди своите место во Евро-Атлантската заедница на земји““, се наведува во вчерашната објава на амбасадата на САД на Твитер.

 

Реагираше и Велика Британија.

Иако ситуацијата во Босна и Херцеговина е загрижувачка, тоа е политичко прашање, а не безбедносна криза, изјави за Хина британскиот пратеник за Западен Балкан Стјуарт Пич, но додаде дека руската војна во Украина е „предизвик“ кој не смее да се прелее. на Балканот.

Бошњачкиот член на Претседателството на Босна и Херцеговина, Шефик Џаферовиќ исто така порачадека изјавата на рускиот амбасадор во БиХ, Игор Калабухов, дека Русија ќе реагира во случај на прием на БиХ во НАТО, како и спомнувањето на Украина во тој контекст, претставува „недозволива закана и напад врз суверенитетот на БиХ“.

„Босна и Херцеговина е суверена држава која самостојно ќе одлучува за својата иднина, врз основа на својот Устав и закон, земајќи ги предвид волјата и интересите на своите граѓани, а не туѓите интереси“, соопшти Кабинетот на Џаферовиќ.

Тој порача дека „Русија не може да го присвои правото да одлучува за иднината на БиХ“, која „го трасирала својот претходен евроатлантски пат со одлуките на нејзините институции во демократска процедура, вклучително и барањето за членство во НАТО“.

Изјавата на Калабухов ја осуди и претседавачот на Претседателството на БиХ Жељко Комшиќ.

„Пораката на рускиот амбасадор дека ќе следи реакција на Русија, при што се наведува примерот на Украина над која Русија врши агресија е недвосмислена, но истовремено и неприфатлива за Босна и Херцеговина“, се наведува во реакцијата на Комшиќ од средата.

Комшиќ истакна дека само БиХ може да донесе одлука за придружување во НАТО.

Рускиот амбасадор Игор Калабухов во интервју за телевизијата на Федерацијата БиХ на 15 март, за можното влегување на БиХ во НАТО, наведе дека тоа е „внатрешна работа на секоја држава“, но дека друго нешто е реакцијата на Русија.

„На примерот на Украина покажавме што очекуваме. Ако има закани ние ќе реагираме“, кажа Калабухов.

Додаде дека не станува збор за директна закана, но дека би се анализирала „геополитичката ситуација“.

„Мислам дека е нереално БиХ да стане членка на НАТО, гледаме дека нема консензус“, кажа Калабухов.

Инаку, ваквиот настап на Русија настапи откако соседна Хрватска доживеа шок откако дрон, односно руско беспилотно летало падна во главниот град Загреб на 10 март доцна вечерта и предизвика експлозија и остави кратер во пречник од три метри.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Посебен сообраќаен режим в недела заради атлетска трка на Средно Водно

Во недела, со почеток во 9 часот, поради атлетска трка на 10 километри, со траса на движење од долниот паркинг на Средно Водно по регионалниот пат (Р2138) до паркингот...