Директорката на Основното општинско училиште „Даме Груев“ во Општина Градско, каде еден од учениците подолго време бил жртва на врсничко насилство од соученици, е разрешена.
Станува збор за случајот во кој двајца деветтодделенци, во ООУ„Даме Груев“ во Градско, во два наврати, му искинале долен веш на соученик во соблекувалната за физичко образование. Првпат тоа се случило на четврти а вторпат на 11 ноември, кога ученикот се вратил дома освен со искинат долен веш и со гребнатини на телото.
Градоначалникот на Општината, Киро Нацков, ја потврди оваа информација и на Фејсбук упати апел до МВР и сите засегнати институции да преземат одговорност. Според него, иако е пријавено во МВР и Центарот за социјални работи, сепак сè уште нема никаква реакција по однос на овој случај.
„Во рамки на моите надлежности веднаш соопштувам дека во рамките на училиштето ја разрешувам директорката на ООУ „Даме Груев“. Веднаш потоа сакам да апелирам до МВР, Центар за социјални работи, Државен инспекторат за образование и сите надлежни да го испитаат детално случајот и онаму каде треба да се помогне, а онаму каде треба да се сноси одговорност. Уште еднаш апелирам дека иднината на нашите ученици и деца е најважна и мораме да бидеме сите со високо ниво на свест. Ова не смее уште еднаш да се повтори“, напиша Нацков.
Како да се препознае врсничкото насилството и какви последици предизвикува истото и најважно, како да се спречи, се главните прашања кои ќе бидат во фокус на дискусијата која во организација на Фондацијата „Метаморфозис“ ќе се одржи на 7 декември во Кинотека на Северна Македонија.
Проекција на филмот „Сестри“ и дискусија за сајбернасилството на 7 декември во Кинотека
