Според соопштението на Министерството за здравство, со најновите бројки на вчера вакцинираните лица, стапката на вакцинирање расте. Вчера биле дадени 6.830 вакцини, а завчера 4.933 вакцини, додека преквчера 2.919 дози вакцини.
Од вчера дадените вкупно 6.830 дози вакцини, 638 се прва доза, 1.472 се ревакцини, а 4.720 граѓани примиле трета доза вакцина.
Заклучно со 22 октомври вкупно се вакцинирани 801.326 граѓани, ревакцинирани се 769.356 а трета доза примиле 10.386 граѓани. 54 отсто од граѓаните над 40 годишна возраст се ревакцинирани, а 33 отсто од населението од 18 до 39 години примиле барем една доза вакцина.
Опфатот со вакцинација со една доза вакцина на полнолетната популација е 57 отсто, а со две дози опфатени се 46 отсто од граѓаните над 18 години.
Според бројот на примени вакцини, 38 отсто од целото население на земјава е вакцинирано, а 35 отсто примило две дози вакцина, нагласува Министерството за здравство (МЗ).