fbpx

Распишан тендерот за набавка на градски автобуси за Тетово, повикот трае до 15 јули

-

Тетово наскоро треба да добие нови градски автобуси со кои ќе може да профункционира јавниот превоз во градот. Општина Тетово го распиша повикот за доставување понуди од заинтересираните компании за набавка на автобуси за јавен превоз. Тендерот е отворен за доставување на понуди до 15 јули, а процесот на понудување и избор на фирмата ќе се спроведе преку процедури за национално јавно наддавање како што е специфицирано во Упатството на Светска банка. Новите автобуси ќе се набават преку Проектот за подобрување на општинските услуги, за кој земјава има добиено кредит од Светската банка.

Паралелно со тендерот за набавка на градските автобуси, општинските власти од Тетово го распишаа и огласот за набавка на урбана опрема и автобуски постојки што ќе бидат во функција на одржување на идниот јавен превоз. Општината минатата есен основаше и второ по ред јавно претпријатие за јавен превоз „Тетово Транспорт“, кое не можеше да отпочне со работа за одржување на линиите поради тоа што немаше возила за превоз на патници.

Тетово е еден од поголемите градови во земјава што со години наназад безуспешно се обидува да го возобнови јавниот превоз и да ги врати автобуските линии во функција. Градот во моментов се соочува со сообраќаен хаос, а очекувањата се дека со набавката на нови автобуси и воспоставување на јавниот превоз ќе се намали користењето на автомобилите од страна на граѓаните.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска го доби Ковачки на суд и се откажа од 10.000 евра што требаше тој да ѝ ги плати за клевета

Основниот граѓански суд - Скопје утврдил граѓанска одговорност за клевета врз министерката Славјанка Петровска од Драган Ковачки од ВМРО-ДПМНЕ. Петровска на својот профил на Фејсбук ја објави пресудата. „Како што...