Основниот кривичен суд во Скопје ја прифати жалбата на Обвинителството за гонење на организиран криминал и корупција и му определи 30-дневен притвор на поранешниот генерален секретар на владата Драги Рашковски. Освен на Драги Рашковски, прифатена е и жалбата за сопственикот на „Инвоока гроуп“, Даниел Станчев, така што 30-дневен притвор му е изречен и на него.
Се очекува Драги Рашковски да биде спроведен од домашен притвор во затворот „Скопје“ во Шуто Оризари, каде ќе треба да го издржува 30-дневниот притвор. Инаку, обвинителството поднесе жалба откако судот претходно судија на претходна постапка му определи куќен притвор на Рашковски.
Обвинителството ја отвори истрагата на 15 април, а во истрагата покрај Рашковски и Станчев, осомничени се уште две лица. Тие се обвинети за набавката на софтверот за сообраќајни прекршоци од Генералниот секретаријат на Владата.
