Албанскиот премиер Еди Рама изјави дека отворањето на досиејата на поранешната тајна служба Сигурими, не е поради изборни цели, туку поради фактот што тоа е обврска кон сите што настрадале во комунистичкиот режим.
Рама рече дека процесот за проектот „Отворање на досиејата на Сигурими“ почнал веднаш по неговото доаѓање на власт во Албанија.
„Вистина е дека овој проект нема влијание врз економијата на земјата, но тој, како таков, врши едно темелно оддалечување на Албанија од минатото“, смета Рама.
Лидерот на левицата додаде дека отворањето на досиејата создава нова перспектива во градењето демократско општество во земјата.
