fbpx

Ракетирањата продолжуваат, мисијата на ОН пристигна во нуклеарната електрана во Запорижја

-

Мисијата на Меѓународната агенција за атомска енергија (МААЕ) при ОН денеска пристигна во окупираниот град Енергодар, во чија близина се наоѓа нуклеарната електрана Запорижја (Запорожје), јавува Укринформ. Шефот на МААЕ, Рафаел Гроси денеска изјави дека нивната мисија ќе трае неколку дена, иако руските власти кои ја имаат окупирано електраната, претходно рекоа дека мисијата ќе трае само еден ден, пишува Гардијан.

Гроси изјави дека нивната мисија ќе треба да ја утврди реалната состојба во која се наоѓа нуклеарната електрана во Запорижја (Запорожје) и да помогнат да се стабилизира ситуацијата колку што е тоа возможно, за да се обезбеди потребното ниво на нуклеарна безбедност.

„Мисијата ќе трае неколку дена. Доколку сме во можност да воспоставиме постојано присуство или да останеме подолго време, тогаш мисијата би ја продолжиле. Но, овој прв сегмент ќе трае неколку дена“, изјави шефот на МААЕ.

Инаку, украинските власти обвинија дека руските сили го гранатирале Енергодар, кој се наоѓа во близина на самата нуклеарна електрана, пред да пристигне меѓународната мисија во градот. Погодена била општинската зграда во Енергодар, пренесува Гардијан.

Во меѓувреме, украинската национална компанија Енергоатом објави дека очекува демилитаризација на самата нуклеарна електрана во Запорижја откако меѓународната мисија ќе ја заврши посетата. Од Енергоатом посочуваат дека руските воени сили стационирани во и околу нуклеарната електрана, заедно со рускиот тим од Росатом треба да го напуштат окупираниот објект, пренесува Укринформ.

Мисијата на МААЕ се состои од тим од 14 експерти од земји за кои и украинската и руската страна сметаат дека се неутрални, кои по посетата треба да го изложат  нивното стручно мислење за состојбата во која се наоѓа нуклеарната електрана во Запорижјае. Пред да заминат кон окупираните територии, мисијата на МААЕ која ја предводи Рафаел Гроси денеска беше во Кијив.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска го доби Ковачки на суд и се откажа од 10.000 евра што требаше тој да ѝ ги плати за клевета

Основниот граѓански суд - Скопје утврдил граѓанска одговорност за клевета врз министерката Славјанка Петровска од Драган Ковачки од ВМРО-ДПМНЕ. Петровска на својот профил на Фејсбук ја објави пресудата. „Како што...