Работник го загубил животот при пад од бетонски столб од висина од околу шест метри, информира полицијата.
Педесет и тригодишниот Алекса М. од селото Удово, со возило на Итната медицинска помош бил пренесен во Клиничкиот центар во Скопје, но, како што информираат од полицијата, на влезот во Скопје им подлегнал на повредите.
Претходно, лекарите во Медицинскиот центар Гевгелија, каде му била укажана првична помош, констатирале тешки повреди на ’рбетот, главата и на екстремитетите.
Работникот, според полицијата, настрадал додека отстранувал дефект на телефонски кабел во гевгелиското село Мрзенци.