fbpx

Путин ја предупреди Јужна Кореја да не ја снабдува Украина со оружја

Портпаролот на Стејт департментот вели дека руското снабдување на Северна Кореја со оружја би го дестабилизирало корејскиот полуостров

-

Рускиот претседател Владимир Путин ја предупреди Јужна Кореја да не ја снабдува Украина со оружја, велејќи дека таа би направила „голема грешка“ доколку тоа го стори, пренесува Би-би-си.

Изјавата на Путин доаѓа откако јужнокорејската власт соопшти дека го отвора прашањето на доставувањето оружја на Украина, како одговор на договорот потпишан меѓу на Русија и Северна Кореја оваа недела, во кој стои дека двете држави би си помагале меѓусебно во случај на „агресија“ врз нив, односно дека би се снабдувале со оружја.

„Москва би донела одлуки со кои веројатно сегашното раководство на Јужна Кореја најверојатно нема да биде среќно“, заканувачки изјави рускиот претседател, во однос на што би можело да се случи доколку Јужна Кореја застане зад Украина.

Како одговор на заканата кон Јужна Кореја и договорот за меѓусебно снабдување со оружја, портпаролот на американскиот Стејт департмент Метју Милер изјави дека руското вооружување на Пјонгјанг би го дестабилизирало Корејскиот Полуостров, пренесува Гардијан.

Американскиот државен секретар Антони Блинкен и министерството за надворешни работи на Јужна Кореја изјавија дека договорот меѓу Русија и Северна Кореја претставува „сериозна закана“ за мирот и стабилноста на Корејскиот Полуостров. Блинкен рече дека САД ќе разгледаат разни мерки како одговор на договорот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Носталгија по диктатори: Хусеин, Гадафи и Асад

Чест наратив на Кремљ е дека ирачкиот лидер Хусеин, либискиот Гадафи и сирискиот Асад биле големи патриоти и имале добри социјални политики, но дека биле жртви на американскиот империјализам,...