Деновиве и официјално во употреба е пуштена новата, површинска фонтана на плоштадот Македонија, во Скопје, соопштија денеска од Град Скопје.

„Станува збор за површинска, таканаречена сува фонтана (џампинг џет), на просторот меѓу фонтаната „Воин на коњ“ и влезот на Камениот мост. Фонтаната има правоаголна форма, со димензии 20 на 10 метри и вкопано армирано бетонско корито. Површината врз армираното бетонско корито е изработена од светлосиви гранитни плочи со димензии 60 на 60 сантиметри и со дебелина од 10 сантиметри. На плочите од фонтаната поставени се ЛЕД-светилки со отвори за вградување млазник. Фонтаната ја сочинуваат 128 млазници со 128 светилки“, се вели во соопштението на Град Скопје.