Четири лица се повредени во престрелка во данскиот главен град Копенхаген. Напаѓачите истрелале меѓу 20 и 40 куршуми во близина на сала во која карикатуристи расправаат за слободата на говорот и за исламот.
Како што јавуваат данските медиуми, тројца од повредените се полицајци, а еден е учесник на собирот.
Се претпоставува дека мета бил карикатуристот Ларс Вилкс, кој го има нацртано пророкот Мухамед како куче и кој е организатор на настанот. Вилкс не е повреден.
Пукањето почнало за време на говорот на францускиот амбасадор, кој на „Твитер“ напиша дека е жив.
Според првичните информации, нападот го извршиле две лица, кои засега се во бегство. Напаѓачите, се претпоставува, користеле автоматско оружје.
DETAILS: 3 police injured, France’s ambo unharmed in #cphshooting, attackers at large- reports http://t.co/lHYdm6ZWsU pic.twitter.com/Aw1dnXW1JO
— RT (@RT_com) February 14, 2015