Каталонскиот лидер Карлес Пучдемон ј известил шпанската влада дека Каталонија не прогласила независност, но дека би можела тоа и официјално да го направи доколку Мадрид продолжи со репресијата, односно со суспендирање на автономијата.
Истовремено, неименуван шпански државник изјави дека писмото на Пучдемон не одговора на повикот на шпанската влада да разјасни дали веќе е прогласена независност. Според истиот извор, владата на седница закажана во сабота планира да го активира членот 155 од Уставот и да ја суспендира автономијата на Каталонија.
Во политичките кругови овој член го нарекуваат „нуклеарна опција“, додека поранешниот министер за надворешни работи, Хозе Мануел Гарсија го нарече „атомска бомба“. Станува збор за екстремна мерка, предвидена за екстремни ситуации, која никогаш не била досега практикувана.