Заклучно со денешните бројки во земјава има вкупно 342 новозаболени лица од корона вирус, а нови се 30, информира министерот за здравство Венко Филипче. Тој кажа дека сите податоци поврзани со болеста, заедно со препораките и мерките ќе може да се читаат на www.koronavirus.gov.mk.

– На Kлиниката за инфективни болести се хоспитализирани 64 пациенти, од кои шестмина се новопримени. Осуммина се со потешка клиничка слика. Има и пациенти во сосема добра состојба, па ако се негативни ќе бидат испишани. Еден од новозаболените пациенти е психијатар од психијатриската болница во Демир Хисар. Тој е асимптоматски случај, но имал позитивна семејна анамнеза епидемиолошка. Бил во контакт со колегите, преземени се мерки и со другите вработени, дадена им е препорака за самоизолација – рече министерот.

Тој кажа дека земјава отсега ќе учествува во Европскиот солидарен фонд, како и дека Холандија донирала кабинет за дијагноза на корона и тестови за 2.000 пациенти.