fbpx

Првпат на Македонец ќе му се трансплантираат бели дробови

-

Првпат на пациент од Македонија ќе му бидат трансплантирани бели дробови, дознава „Здравство 24“.

Големиот зафат ќе биде извршен кон средината на месецот во Виена. Станува збор за 16-годишно дете, кое со години е пациент на Клиниката за детски болести. Боледува од цистична фиброза, болест која предизвикува големи опструкции на органите за дишење. Средствата за трансплантацијата веќе се одобрени од Фондот за здравствено осигурување.

Според информациите на порталот, за обезбедување на органите од „Еуротрансплант“ до договарање на интервенцијата, лично била ангажирана директорката на Клиниката за детски болести, Аспазија Софијанова, која воедно е и национален координатор за трансплантација. Дознаваме дека и ќе го придружува 16-годишното дете до Виена.

Во медицинската литература е наведено дека белите дробови ја снабдуваат крвта со кислород и го отстрануваат јаглеродниот диоксид. Пресадување на бели дробови им е често неопходно на луѓето со цистична фиброза или со емфизема, затоа што нивните сопствени бели дробови не можат да го снабдат нивното тело со доволно кислород.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Собранието ги изгласа измените на Законот за извршување на санкциите

Со 78 гласа „за“, Собранието денеска го изгласа Предлог-законот за изменување и дополнување на Законот за извршување на санкциите. Од Министерството за правда соопштија дека Законот има за цел решавање...