Премиерата на претставата „Најважната работа на светот“ ќе го отвори новиот објект на велешкиот театар „Јордан Хаџи-Константинов Џинот“ вечерва во 20 часот.
Преставата е комедија во режија на Љубиша Георгиевски, а по текст на Братислав Димитров. Во неа глумат актерите Васил Зафирчев, Зоран Љутков, целокупниот театарски ансамбл на велешкиот театар, како и гостите Ирена Ристиќ и Благоја Чоревски. Сценографијата е на Валентин Светозарев, костимографијата на Мери Георгиевска, а музиката е на Гаврило Миловановиќ.
Оваа престава утре и задутре ќе има уште две изведби, а до крајот на месецот ќе има уште две репризи.
Новиот театарски објект е изграден на површина од 3.543 квадратни метри и располага со голема сала со капацитет за 370 посетители, како и со мала сцена со можност да прими од 50 до 110 посетители.
Велешкиот театар ќе продолжи со својот редовен репертоар од февруари следната година.
Популарно
Прва премиера во новиот велешки театар
-
ЈО: Поведена постапка за инцидентот во Чаир во кој синоќа беа ранети три лица
Јавен обвинител од Основното јавно обвинителство Скопје повел постапка против едно лице на возраст од 18 години, поради основано сомнение дека сторил кривично дело – Тешка телесна повреда од...
