fbpx

Протест против здружението „Цар Борис III“, советодавно тело ќе дава мислење при именување со историски личности

-

„Фашизмот мора да падне“, „Не за бугарскиот Хитлер“, „Со фашисти не сме исти, ние сме антифашисти“, се само дел од паролите со кои десетици демонстранти денеска го искажаа своето незадоволство поради отворањето на Здружението на граѓани именувано како „Цар Борис III“ во Охрид. Протестот е организиран од партијата Левица, а е поддржан од ВМРО-ДПМНЕ. Беше предвидено свеченото отворање на здружението со присутни гости да започне на пладне, но протестот започна половина час пред да се случи отворањето. Пред просториите на здружението има силно полициско обебедување.

Во партијата Левица вчера информираа дека до Основното јавно обвинителство поднеле иницијатива за забрана за работа на ова здружение.

„Како што беше поднесена иницијатива за забрана на здружението „Иван Михајлов“ во Битола, така и поднесовме и иницијатива за забрана на новоотвореното Здружение „Цар Борис III“ до ОЈО Охрид. Очекуваме реакција од Јавното обвинителство и останатите државни органи за постапување и спречување на овој опасен тренд на наметнување и воздигнување на докажани фашистички дејци и државници на окупаторски држави, за кое реагираше и еврејската заедница во Македонија“, рекоа во партијата.

Во меѓувреме, денеска Министерството за правда информира дека за „да се превенираат одредени состојби, ќе се формира советодавно тело за давање мислење за употреба на име на историска и друга позната личност во името на здружение и друго правно лице.“

„Улогата на ова тело ќе биде советодавна, односно ќе дава мислење за карактерот на историските личности, начинот на кој ќе се формираат здруженијата со цел да се избегне злоупотреба на одредени личности кои имаат негативен контекс низ различни епохи“, наведено е во соопштението.

Од Министерството за правда информираат дека е формирана работна група за изготвување на нов Закон за здруженија и фондации, со кој ќе се доуредат условите врз основа на кои ќе може да се регистрира здружение. Најдоцна до крајот на месецов ќе биде објавен на Електронскиот национален регистар на прописи (ЕНЕР) каде сите заинтересирани лица ќе можат да дадат свои мислења, забелешки и сугестии, а ќе следуваат и јавни расправи. Целта на измените на Законот е подобрување на правната рамка во делот на одредбите кои се однесуваат на регистрација на граѓански организации, дефинирање на статус на непрофитни организации како и начинот на нивно финансирање.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...