Просечната нето-плата, во декември 2015 година, изнесувала 22.715 денари, а бруто-платата истиот месец изнесувала 33.299 денари, покажуваат последните податоци на Државниот завод за статистика.
Во декември 2015 година се забележува зголемување на платата од 1,4 отсто во споредба со истиот месец од 2014 година.
Ваквото зголемување се должи, пред сè, на зголемувањето на просечната месечна исплатена нето-плата во секторите административни и помошни услужни дејности (11 проценти), уметност, забава и рекреација (6,1 отсто) и информации и комуникации (5,8 проценти).
Во декември 2015 година, 1,3 отсто од вработените во Македонија не примиле плата.
