Просечната оцена од екстерното тестрање е 3,26, а учениците ќе можат да поднесуваат приговори до училишната комисија од утре, 26 јуни, па сè до 30 јуни, кога ќе имаат право на увид во тестот, соопшти Државниот испитен центар.
Минатата година просечната оцена на постигнување беше 3,6.
Најдобри постигнувања на екстерното тестирање имаат општините Центар, со резултат 4,59, Вевчани, со 4,58, Аеродром, со 4,44, Карпош, со 4,40, и Кисела Вода, со 4,26.
Врз основа на обработените податоци за деветтоодделенците, просечната оцена за нив е 3,04. За резултатите на деветтоодделенците пристигнаа вкупно 223 приговори, од кои 51 се прифатени, 144 одбиени, а 28 се делумно прифатени (кога ученикот приговарал на пет прашања, а прифатени за корекција му се две прашања).