Просечната месечна исплатена нето-плата по вработен, во август 2020 година изнесувала 27.535 денари, а бруто-платата изнесувала 41.070 денари, соопштија од Државен завод за статистика.

Просечната плата во август 2020 година била за 9,6 проценти повисока во однос од истиот месец лани.

Ваквото зголемување на просечната плата се должи, пред сѐ, на зголемувањето на просечната месечна исплатена нето-плата по вработен во секторите: Уметност, забава и рекреација (20,4 проценти), Земјоделство, шумарство и рибарство (16,9 проценти) и Дејности на здравствена и социјална заштита (13,2 проценти).