На првата насловна страница на францускиот сатиричен неделник „Шарли ебдо“ по нападот, во кој беа убиени 10 новинари и двајца полицјаци, ќе биде објавена карикатура од пророкот Мухамед, на која тој со солзи во очите држи натпис „Јас сум Шарли“ и на која пишува „Сè е простено“.
Од новото издание на „Шарли ебдо“ ќе бидат испечатени рекордни три милиони примероци, кои ќе бидат достапни во 25 земји на 16 јазици. Досега сатиричниот весник се печател во 60.000 примероци, а се продавале половина од нив.
Ришар Малка, адвокат на весникот, изјавил дека во новиот број на „Шарли ебдо“ ќе има карикатури на Мухамед, на други религии, но и на политичари.