Денеска времето во Македонија ќе биде сончево, а во попладневните часови се очекува да преовладува облачно и нестабилно време со услови за локални врнежи од дожд, кои ќе бидат поизразени во планинските делови од земјата.
Ќе дува слаб до умерен ветер од северозападен и од североисточен правец.
Максималната дневна температура ќе се движи во интервал од 34 до 37 Целзиусови степени. УВ-индексот ќе биде со вредност 8.
Во Скопје се очекува слично време, сончево преку ден, а попладне со услови за развој на облачност со повремен дожд, проследен со грмежи и со ветер.
Максималната дневна температура во главниот град ќе достигне до 34 Целзиусови степени.
