Координаторката на советничката група на СДСМ во Советот на општина Прилеп, Елена Ташкоска, е новоименуван претседател на Советот, на местото на досегашниот Миле Талевски, којшто во новиот собраниски состав ја извршува функцијата -пратеник во редовите во пратеничката група на СДСМ.
-Изборот за претседател на Совет на општина Прилеп за мене претставува огромна чест, но и уште поголема одговорност пред граѓаните, Советот да биде место каде ќе се носат одлуки кои ќе го подобруваат животот на граѓаните – изјави Ташкоска.
Освен Миле Талевски, пратенички мандат во новиот собраниски состав доби и досегашниот координатор на советничката група од ВМРО-ДПМНЕ во општинскиот Совет, Петар Ристески.
На местото на Талевски и Ристески, Советот ги верификуваше мандатите на двајца нови членови, Александар Чапкуноски од СДСМ и Кирил Ѓорѓиоски од ВМРО-ДПМНЕ.