Пролетната распродажба на игри на платформата Steam е во тек и ќе трае до 23 март. Ова е добра шанса да се “зграбат” најпосакуваните игри кои ги имате на вашиот список на желби од Steam.
Во листата на најефтини игри, моментално спаѓаат Tekken 7 за 5 евра, Pillars of Eternity 2: Deadfire за 10 евра, Injustice Gods Among us Ultimate edition и Injustice 2, двете по 5 евра, Hellblade: Senua’s Sacrifice за 7,5 евра, Conan Exiles 12 евра, Nioh: Complete Edition 12,5 евра, Elders Scrolls Skyrim Special Edition за 10 евра и Warhammer:Vermintide 2 за 6 евра. Сите овие игри се по намалени цени до 75 отсто.
Со намалување на цените од 50 отсто се игрите: Cyberpunk 2077 за 30 евра, Need for Speed Unbound за 35 евра, Red Dead Redemption 2 за 20 евра, Sekiro за 30 евра, Detroit: Become Human 20 евра. А God of War е на намалување од 40 отсто и чини 30 евра, како и Nioh 2 која моментално чини 36 евра.
Познатите Assassin’s Creed наслови исто така се продаваат по намалени цени: AC Valhalla 20 евра, AC Odyssey 15 евра, AC Origins 12 евра, AC Black Flag 13,2 евра, AC Unity 7,5 евра, AC Syndicate 10 евра, AC 2 за 3 евра, AC Revelations 5 евра, AC Rogue за 6,6 евра, AC Brotherhood 5 евра, AC 1 Directors Cut за 3 евра, AC Freedom Cry за 6 евра, AC Liberation за 5 евра. А платформските AC Chronicles игри се по 3 евра.
Witcher игрите се исто на огромни попусти, па така Witcher 1 чини само евро и пол, Witcher 2 е 3 евра, додека Witcher 3: The Wild Hunt е 9 евра за основната, а 15 евра за сосе експанзиите.
Од постарите игри ви ги препорачуваме Tomb Raider игрите, кои се продаваат за едно евро секоја, a целата колекција на овие игри се продава за само околу 40 евра.
Од поновите игри ги препорачуваме игрите за суперхерои: Gotham Knight’s се продава за 24 евра, Marvel’s Midnight Suns е 30 евра, а Marvel’s Avengers е само 8 евра.
Секако можете да проверите и наши постари написи за вакви распродажби на Steam, каде ќе најдете и други предлози за игри за кои самите можете да проверите дали се моментално на слични попусти, но сепак мислиме дека ги издвоивме најдобрите и воедно релативно најевтините варијанти.
Искористете ја оваа распродажба на игри на Steam, бидејќи следната ваква распродажба е закажана дури за во јуни годинава (2023).
