Од „Професорскиот пленум“ упатија писмо до ректорот на Универзитетот „Свети Кирил и Методиј“, Велимир Стојковски, со кое бараат најдоцна до среда свикување на итна, вонредна и јавна седница на Сенатот на УКИМ со претставниците на „Студентски пленум“, младинската организација „Мугра“, „Професорскиот пленум“ и со медиумите.
На седницата на Сенатот бараат да се разгледаат следните точки на дневен ред:
1. Дали имало и кој ја издал дозволата за сечење дрвја во паркот на Универзитетот, во доцните ноќни часови;
2. Дали имало официјален повик и кој го издал повикот специјалната полиција да влезе на територијата на Универзитетот, во понеделникот на 14 декември 2015 година;
3. Информација за процедурата и за правната основа за почнатите градежни активности во рамките на кампусот за општествено-хуманистички науки.
„Сметаме дека Ваша должност и одговорност е да преземете активности во насока на решавање на конфликтната ситуација на УКИМ“, велат од „Професорски пленум“.