fbpx

Продолжува судењето за „Диво Насеље“, искази треба да дадат сведоци на одбраната

-

Денеска во 10 часот во Основниот суд Скопје 1 продолжува судскиот процес против 29 обвинети за настаните во кумановско Диво Насеље од 9 и од 10 мај минатата година.

На денешното рочиште, според најавите, искази пред судот треба да даваат сведоци предложени од одбраната на обвинетите, кои се товарат за тероризам и за терористичка организација.

На рочиштето што се одржа во вторникот оваа недела, пред судот, како сведоци на Обвинителството, сведочеа четворица полицијаци, кои го опишаа нападот на караулата Гошинце, на 21 април минатата година, како и една жена, роднина на обвинет во случајот.

Во вторникот, на новинарите што го следат судскиот процес за „Диво Насеље“ им беше оневозможено, односно не им беа обезбедени соодветни услови за следење на рочиштето.

Судењето се одржа во Кривичниот суд, а објаснувањето оттаму беше дека поради безбедносен ризик и ограничен капацитет на судницата, во неа имало место само за четири-пет новинари. Претходните две рочишта се одржаа во големата сала на Врховниот суд, но оттаму соопштиле дека не можат да ја отстапат салата поради реновирање.

Новинарите што беа пред Основниот суд Скопје 1, решија да не направат компромис и никој да не влезе во судницата.

Судот попладнето истиот ден се извини за пропустот, истакнувајќи дека намерата не била да ја исклучат јавноста од судењето.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...