fbpx

Продолжен рокот за 20 дена за понуди за изградба на автопатот Скопје – Блаце

-

Јавното претпријатие за државни патишта за 20 – тина дена го продолжи рокот за доставување понуди за изградба на првата фаза од автопатот Скопје – Блаце. Поради голем интерес за поднесување на понуди од компаниите, крајниот рок за нивното доставување е продолжен до 23 септември.

Од ЈП за државни патишта за „Мета.мк“ потенцираат дека постои интерес од домашни и странски компании да бидат изведувачи на првите 2 километри од целокупната траса, а до крајниот рок очекуваат доставување на пријави од повеќе градежни фирми.

Рокот за изведба на првата фаза од автопатот Скопје – Блаце е 18 месеци од денот на потпишувањето на договорот со избраниот изведувач. Целокупната тендерска постапка би можело да се заврши до крајот на годинава.

– Додека се гради првата делница, се планира да заврши проектирањето на втората делница, која е во фаза на проектирање и треба да заврши во вториот квартал 2020 година. Во меѓувреме, веднаш ќе се започне со тендерирање за градба, со што ќе има континуитет во изградбата – велат од ЈП за државни патишта.

Автопатот Скопје – Блаце ќе биде долг 12,5 километри и ќе се гради во две фази. Изградбата на проектот вреден околу 110 милиони евра треба да заврши во 2023 година.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...