Српската полиција денеска во координација со обвинителството за високо-технолошки криминал, го уапси М.Р (28) кој е осомничен дека им се заканувал на членовите на семејството на премиерот на Србија, Александар Вучиќ, како на „Фејсбук“ така и во коментари на веб-страницата на еден весник, јавува дописничката на „Мета“ од Белград.
При претресот, полицијата кај осомничениот пронашла мобилен телефон преку кој тој пристапувал на „Фејсбук“, под псевдоним „Дете на Партизан“ и преку тој профил се заканувал, соопшти српското Министерство за внатрешни работи.
На осомничениот му е одредена мерка притвор од 48 часа, по што ќе му биде поднесена кривична пријава.
Вучиќ денеска изјави дека корисник на „Фејсбук“, на веб-страницата на дневниот весник „Курир“ пишувал навреди кон неговата малолетна ќерка и тоа тешко го поднел.
– Не знам каков психопат треба да бидете за да навредувате мртва малолетна ќерка, која притоа е жива и здрава и е најдобра ученичка која зборува три јазици – изјавил Вучиќ денеска во Собранието на Србија.
