fbpx

Приведени две лица кои сакале да градат нелегален паркинг кај поликлиниката „Бит пазар“

По наредба на јавен обвинител, одземена е градежната машина, додека во тек е кривична пријава против двете лица

-

Две лица се приведени во врска со обидот за узурпација и диво градење зад поликлиниката „Бит пазар“, информираше денеска министерот за внатрешни работи Оливер Спасовски.

Тој рече дека случајот бил пријавен синоќа по 19 часот, а полицијата реагирала веднаш. По наредба на јавен обвинител, одземена е градежната машина, додека во тек е кривична пријава против двете лица, за две дела – узурпација и нелегална градба.

„Никој не може да ја нарушува сопственоста, независно дали се работи за државна или приватна. Пријавено е во полиција, излезено е на лице место, приведени се две лица од Скопје и притоа е известен јавниот обвинител по чија наредба е одземена градежната машина“, рече министерот Спасовски, одговарајќи на новинарско прашање по одржувањето на дефилето „Јас внимавам и безбедно возам“.

Порталот „Сакам да кажам“ утрово објави дека две лица вчера попладне со багер ја урнале оградата на поликлиниката „Бит пазар“ и во дворот почнале со градежни активности за изградба на паркинг.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...