Двајца велешани се лишени од слобода откако се обиделе на купат производи со фалсификувани банкноти, соопшти Министерството за внатрешни работи (МВР).
Како што обзнани министерството, В.М (21) и Д.Р (20) вчера на пазарот во Велес се обиделе да купат производи со фалсификувана банкнота од 1.000 денари. Продавачот тоа го забележал и го пријавил во полиција.
Двајцата велешани побегнале од местото, но биле пронајдени и лишени од слобода. Полицијата информираше дека при претрес во нивните домови биле пронајдени и други фалсификувани банкноти, скенер, принтер и компјутер на кој ги изработувале лажните пари.
„Подоцна, со судска наредба, бил извршен претрес во нивните домови, при што во домот на Д.Р. биле пронајдени и одземени две фалсификувани банкноти од по 1.000 денари, скенер, принтер и компјутер на кој ги изработувале, додека во домот на В.М. биле пронајдени и одземени две фалсификувани банкноти од по 100 денари и една фалсификувана банкнота од 500 денари“, соопшти МВР, од каде додаваат дека по целосно документирање на случајот, против двајцата ќе биде поднесена соодветна пријава.
