Вчера во 12 часот во Велес полициски службеници од СВР Велес го лишиja од слобода С.М.(50) од с. Ореше, општина Чашка, поради сомнение дека сторил кривично дело „предизвикување општа опасност“ по член 288 од Кривичниот законик, соопшти Министерството за внатрешни работи (МВР).
„Тој се сомничи дека на август околу 12 часот предизвикал пожар во реонот на с. Папрадиште кон с. Ореше, при што изгорела поголема површина со нискостеблеста шума и остатоци од сеча. Од него биле одземени предмети за кои постои сомнение дека се поврзани со делото, а во службен разговор во полициска станица тој го признал делото“, информира МВР.
За настанот бил известен јавен обвинител и поднесена е кривична пријава за сторено кривично дело „предизвикување општа опасност”.
