В четврток, 5 март, во Американското катче во Струга ќе се одржи презентација на програмите за едукација и за постдипломски студии, финансирана од Амбасадата на САД во Република Македонија.
Презентер на програмите ќе биде претставник на амбасадата, стручен соработник за размена на програми за едукација.
Пред присутните ќе бидат претставени програмите Општа Фулбрајтова програма, Фулбрајтова програма за постдипломски студии, Фулбрајтова сениорска специјална програма (за ученици и предавачи-наставници, професори), Програмата „Хјуберт Хамфри“ и Програма за едукација во институции во САД.
