Претседателот на Албанија, Бујар Нишани, утре ќе ги посети општините Прешево и Бујановац на југот на Србија, како прв претседател на Албанија кој доаѓа во Србија од 1948 година, кога прв и последен пат Белград го посети тогашниот претседател на Албанија, Енвер Хоџа.
Нишани во Прешево и во Бујановац ќе разговара со локалните власти и со албанските политички претставници кои на неговата посета ѝ придаваат историско значење. За дочекот на албанскиот претседател во Бујановац на повеќе места се поставени билборди на кои пишува „Добредојдовте, престедателе“, а локалните жители беа повикани да излезат на главниот плоштад и да го дочекаат, додека во Прешево ќе биде организиран културно-уметничка програма.
Посетата на Бујар Нишани се толкува како знак на политичко затоплувања на односите на Србија и на Албанија, по неколкуте посети на албанскиот премиер Еди Рама во Србија што резултираа со формирање српско-албанско бизнис-здружување и воспоставување на блиска соработка на земјоделските стопанства на двете земји.