Претседателот Ѓорге Иванов ќе учествува на 19. Евроазиски економски самит на Фондацијата „Мармара“ во Истанбул, на 6 и на 7 април 2016 година.
Иванов ќе се обрати на свеченото отворање, а ќе има и свое обраќање на претседателската сесија.
Во делегацијата предводена од македонскиот претседател, за време на работната посета на Турција, е и министерот без ресор задолжен за привлекување странски инвестиции, Џери Наумоф.
Ова е шесто учество на претседателот Иванов на Евроазискиот економски форум, кој се организира еднаш годишно од 1998 година.
Годинава е најавено присуство на актуелни и на поранешни државници, претседатели, премиери, министри, истакнати личности од општествениот и од политичкиот живот, невладиниот сектор и од бизнис-заедниците од околу 40 држави.
Организатор е Фондацијата „Мармара“, група за економски и за општествени истражувања, која има цел да ги унапреди односите меѓу ЕУ и земјите од Централна Азија и од Блискиот Исток.