fbpx

Ахмети се сретна со белгиската амбасадорка Ван Калстер

-

Претседателот на Демократската унија за интеграција, Али Ахмети, денеска оствари работна средба со белгиската амбасадорка Аник ван Калстер. Амбасадата на Белгија со седиште во Софија, Бугарија, истовремено е и дипломатско претставништво и за Република Македонија.

На средбата, соговорниците разговарале за актуелната ситуација во земјата и во регионот, економскиот развој, меѓуетничките односи, како и за евроатланската интеграција.

Како што соопштија од ДУИ, претседателот Ахмети зборувал за потребата за конкретна меѓународна ангажираност во однос на решавањето на спорот меѓу Скопје и Атина кој нè држи далеку од интеграцијата во НАТО и од почеток на преговорите за членство во ЕУ.

– Без вклучување на меѓународните пријатели, ова прашање не се решава. Без побрзо решавање на ова прашање, не може да има трајна стабилност и мир во земјата и во регионот, уште помалку здрави меѓуетнички односи и економски развој – рекол Ахмети.

Ахмети ја поздравил белгиската инвестиција во Македонија со надеж дека успешниот пример на белгиската фабрика за автобуси ќе го поттикне приливот на нови белгиски инвестиции во Македонија, со што ќе помогне во економскиот развој и отворање нови работни места.

– Но, и одржливиот економски развој е заложник на нерешавањето на прашањето за името и за одложувањето на членството во НАТО и во ЕУ, поради политичката и финансиската несигурност која влијае и кај странските инвеститори – рече Ахмети.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...