Секторот за внатрешни работи Штип поднел кривична пријава против М.В. (73), претседател на Здружението на пензионери за општините Штип и Карбинци, осомничен за незаконски набавки од повеќе фирми, на кои им исплатил вкупна сума од околу 3,1 милиони денари, односно повеќе од 50.000 евра, информираат од МВР.

Според пријавата, осомничениот М.В. се товари за продолжена злоупотреба на службената положба и овластување.

Како што информираат до полицијата, осомничениот, од почетокот на 2011 до крајот на 2014 година, како претседател на Здружението на пензионери и овластен за правниот промет, без донесени писмени одлуки на извршниот одбор на Здружението, „вршел разни незаконски набавки од повеќе правни лица, при што на иститите незаконито им исплатил вкупна сума во износ од 3.101.051 денари“.