Полицијата во Гостивар вчера извршила претрес во гостиварското село Врапчиште поради основано сомнение за сторено кривично дело „мачење животни“, соопшти Министерството за внатрешни работи (МВР).
Просториите во кои бил извршен претрес ги користел 22-годишниот С.А. од Врапчиште, а биле во сопственост на 20-годишниот Ш.А. кој се наоѓа надвор од државата.
При претресот биле пронајдени четири кучиња – три од расата „питбул“ и едно од расата „доберман“ кои биле користени за борба со кучиња.
Како што информираше МВР, со С.А. бил извршен службен разговор во полициска станица, а против него најавуваат соодветна пријава по целосно документирање на случајот.